Хоразмда севгилисини бўғиб ўлдирган эркак 15 йилга озодликдан маҳрум қилинди. Бу ҳақда Bugun.uz манбалари хабар берди.

Маълум қилинишича, О.Д. турмуш ўртоғининг унга айтган гапидан жаҳли чиқиб, соат 20:00 ларда ўзаро севишиб ишқий муносабатларга киришиб юрган, олдиндан таниши бўлган Б.М.нинг яшаш уйига борган. Жиноятчи аёлнинг маст ҳолдалигини кўриб, унинг уйидаги бир бош қора молга эгалик қилишни кўзлаган. Шу сабабли, у аёлни дазмолнинг оқ қора аралаш рангли ипи (кабели) билан бўйнидан бўғиб, қасддан ўлдирган.

Суд хулосасига кўра, О.Д. Жиноят Кодексининг 97-моддаси (Қасддан одам ўлдириш) билан айбли деб топилиб, 15 йилга озодликдан маҳрум қилинган. Шунингдек, О.Д.дан жабрланувчининг қонуний вакили Н.М. фойдасига бир қора мол қийматидаги пул миқдори ундирилиши белгиланган.