Бишкекда Қирғизистон президенти Садир Жапаровнинг жияни Улан Жапаров коррупцияда гумон қилиниб қўлга олинди.

Садир Жапаровнинг матбуот хизмати қўлга олинган Улан Жапаров президентнинг қариндоши эканини тасдиқлаб, президентнинг шахсан ўзи гумонланувчиларга нисбатан қонуний чоралар кўрилишини талаб қилишини, коррупцияга қарши курашишда алоҳида танлашлар йўқлигини, қонун олдида ҳамма тенглигини таъкидлаган.

У божхона масалалари билан боғлиқ коррупцион схемаларда иштирок этганликда гумон қилинмоқда, — деб ёзган президентнинг матбуот котиби Эрбол Султанбаев.

Суд Улан Жапаров 26 июлга қадар ҳибсда сақланишини тасдиқлади.