Исроил мудофаа кучлари Ғазо секторида ўзининг кенгайтирилган тартибдаги ҳарбий ҳаракатлари бошланганини эълон қилган. Бу ҳақда давлатнинг мудофаа кучлари вакили Даниел Хагарий ўзининг Х ижтимоий тармоғи(собиқ Twitter)даги саҳифасида ёзиб қолдирган.

Шунингдек, Исроил ҳаво кучларининг зарбасидан сўнг, Ғазода аҳоли алоқа, телевидение ҳамда интернетдан узилиб қолган.

Маълумот учун, Исроил ва ҲАМАС ўртасидаги ҳарбий ҳаракатлар шу йилнинг 7 октябридан бери давом этмоқда. Ҳарбий ҳаракатлар бўлаётган Ғазо сектори аҳолисининг ярмини болалар ташкил этади. Уруш бошлангандан бери Ғазонинг шимолий қисми энг кўп зарар кўрди. Бутунлай ташқи дунёдан узилиб қолди ва бутун ислом дунёсидан ёрдам сўради.

Эслатиб ўтамиз, аввалроқ ушбу сўралган ёрдамга жавобан Туркия Исроил билан энергия бўйича барча шартномаларни тўхтатган. Ҳатто, Эрдўған Исроилга ташрифини ҳам бекор қилган. БМТ бош котиби Антониу Гутерриш ҲАМАСнинг ҳужуми ўз-ўзидан содир бўлмаганини айтганида эса, Исроил Гутерришнинг истеъфосини талаб қилган.