Конго Демократик Республикаси ғарбида жойлашган Гвано провинцияси депутатлари миллий парламент спикери Кристоф Мбозога мурожаат қилиб, минтақада номаълум касаллик эпидемияси келиб чиққанлигига жавобан шошилинч чоралар кўришни илтимос қилди. Бу ҳақда маҳаллий «Actualite» газетасига таяниб «РИА Новости» хабар берди.

Вилоят губернатори Жан-Мари Пти-Птининг «Frans Press» агентлигига маълум қилишича, номаълум касалликнинг биринчи ҳолати бир ой олдин аниқланган. Ҳозирча фақат Касонго-Лунда ҳудудида яшаган 60 ёшдан 80 ёшгача бўлган кекса одамлар унинг қурбонига айланган.

«Номаълум касаллик ватандошларимизни ўлдирмоқда, 14 киши аллақачон вафот этди. Ушбу касалликнинг келиб чиқиши ҳанузгача номаълум», –дея таъкидлаган парламент аъзоси Паси Запамба.

Аввалроқ Африкадаги 2 мамлакатда Эбола вируси қайд этилиб, 9 киши ҳалок бўлгани хабар берилганди. Шунингдек, Африкада қора ўлат эпидемияси бошлангани маълум қилинганди.