Россияда икки муҳожир нотаниш қизнинг йигитини калтаклаб, ўзини эса пичоқ билан қўрқитиб, навбат билан зўрлади. Бу ҳақда Регнум хабар берди.

Маълум қилинишича, ҳодиса 19 июндан 20 июнга ўтар кечаси содир бўлган. Кечқурун қиз йигити билан боғда сайр қилаётганда нотаниш одамлар уларга яқинлаша бошлаган ва жанжал қўзғатган.

«Йигит муҳожирлар билан гаплашмоқчи бўлган, бироқ улар йигитга ҳужум қилиб, калтаклай бошлаган. Қиз буталар орасига яширинган, аммо тезда топилган. Қаршилик қилмаслик учун уни пичоқ билан қўрқитишган. Жабрланувчи уни ўлдиришларидан қўрқиб, ўзини гўёки алоқа ‘ёқаётгандек’ кўрсатган», — дейилади хабарда.

Узоқдан ёруғлик кўринганидан кейин улар қочиб кетган. Жиноятда гумонланиб, 1991 ва 1997 йилларда туғилган икки нафар Ўзбекистон фуқароси қўлга олинган.

Полиция маълумотларига кўра, муҳожирлардан бирининг Россияда бўлиш муддати 2024 йил августида тугайди, иккинчиси Россияда 2025 йилнинг мартигача қолиши мумкин.