Давлат солиқ қўмитаси 2024 йил учун жисмоний шахслардан олинадиган даромад солиғи ставкаларини эълон қилди.

Қайд этилишича, мазкур ставкалар якка тартибдаги тадбиркорлар учун 2024 йил 1 февралдан кучга киради. Маълумот учун, 2024 йил январь ойида қатъий белгиланган миқдордаги даромад солиғи 2023 йилдаги ставкалар бўйича тўланган.

Маълумот учун, якка тартибдаги тадбиркорлар ижтимоий солиқни қуйидаги миқдорларда тўлайди:

• якка тартибдаги тадбиркорлар (ЯТТ) – ойига 340 000 сўм;
• савдо мажмуалари ва бозорларда фаолият юритувчи ЯТТларнинг ёлланма ходимлари учун – ойига 170 000 сўм;
• бошқа ЯТТларнинг ёлланма ходимлари учун – йилига 340 000 сўм;
• оилавий тадбиркорлар (юридик шахс ташкил этмаган):
• ЯТТ сифатида рўйхатдан ўтган оила аъзоси – ойига 340 000 сўм;
• оиланинг бошқа аъзолари (18 ёшга тўлмаганлар бундан мустасно) – ойига 170 000 сўм.

Эслатиб ўтамиз, Ўзбекистонда маъмурий судларга келиб тушган энг кўп шикоят солиқ ишларига бўлган. Шунингдек, Шавкат Мирзиёев солиқ тизими ва божхонани танқид қилган.

Аввалроқ Сергели машина бозорида 3 кунлик тадбирда давлат бюджетига 2,3 млрд сўм солиқ ундирилгани ҳақида хабар берилган эди.