Олий таълим муассасаларининг бакалавриат йўналишида 1 009 271 нафар талаба таҳсил олади. Бу ҳақда Статистика агентлиги ахборот хизмати хабар берди.

Маълумотларга кўра, 2022/2023-ўқув йили бошига кўра, Ўзбекистонда олий таълим ташкилотларида бакалавриат йўналишида таҳсил олаётган талабалар сони 1 009 271 нафарга етган. Талабалар сони соҳалар бўйича қуйидагича:

• Таълим – 317 872 нафар;
• Муҳандислик, ишлов бериш ва қурилиш соҳалари – 167 970 нафар;
• Бизнес, бошқарув ва ҳуқуқ – 113 723 нафар;
• Санъат ва гуманитар фанлар – 93 513 нафар;
• Ижтимоий фанлар, журналистика ва ахборот – 74 868 нафар;
• Соғлиқни сақлаш ва ижтимоий таъминот – 60 023 нафар;
• Хизматлар – 46 852 нафар;
• Қишлоқ, ўрмон, балиқчилик хўжалиги ва ветеринария – 46 556 нафар;
• Ахборот-коммуникасия технологиялари – 46 066 нафар;
• Табиий фанлар, математика ва статистика – 41 828 нафар.