Ўзбекистонда қайси давлатларнинг капитали иштирокидаги корхоналар сони кўп?

Ўзбекистонда энг кўп қайси давлатнинг корхоналари фаолият юритиши маълум бўлди. Бу ҳақда Статистика агентлиги ахборот хизмати хабар берди.

Қайд этилишича, 2024 йил 1 февраль ҳолатига республикамизда фаолият юритаётган хорижий капитал иштирокидаги корхона ва ташкилотлар сони 14 199 тани ташкил этган. Шундан, 4 675 таси қўшма корхоналар ва 9 524 таси хорижий корхоналар ҳисобланади. 

Хорижий капитал иштирокида энг кўп фаолият кўрсатаётган корхоналарнинг давлатлар кесимида сони:

• Россия – 3049 та;
• Хитой – 2432 та;
• Туркия – 1901 та;
• Қозоғистон – 1084 та;
• Жанубий Корея – 736 та;
• АҚШ – 314 та;
• Тожикистон – 289 та;
• Қирғизистон– 276 та;
• Озарбайжон – 235 та;
• Германия – 220 та;
• Туркманистон – 182 та.