«Маҳалла еттилиги» тавсияси асосида уй-жой шароитини яхшилашга муҳтож бўлган шахсларга ипотека кредитлари ажратилади. Бу ҳақда Ҳуқуқий ахборот канали маълум қилди.

Хабар берилишича, Камбағалликдан чиқариш дастурига киритилган ва уй-жой шароитини яхшилашга муҳтож бўлган шахсларга 2024 йил 1 июндан «Маҳалла еттилиги» тавсияси асосида ипотека кредитларини ажратиш амалиёти жорий этилади.

Бунда:

• ипотека кредитлари 120 миллион сўмгача миқдорда, 20 йилгача муддатга, Марказий банкнинг асосий ставкасидан тўрт фоиз бандга юқори ставкада якка тартибдаги уй-жойни қуриш, реконструкция қилиш ва таъмирлаш мақсадлари учун ажратилади;
• ипотека кредити бўйича дастлабки бадалнинг бир қисмини қоплаш учун – ажратиладиган кредитнинг 15 фоизи миқдорида ҳамда фоиз тўловларининг бир қисмини қоплаш учун – кредит муддатининг биринчи 5 йили давомида 12 фоиздан ошган қисмига субсидия тўланади.