Ўзбекистоннинг ташқи савдо айланмаси 6,2 % га ошди. Бу ҳақда Статистика агентлиги хабар берди.

Маълумотларга кўра, 2024 йилнинг январ-март ойларида Ўзбекистоннинг ташқи савдо айланмаси 15,8 млрд АҚШ долларига етган.

Ташқи савдо айланмаси ҳажми 2023 йилнинг мос даври билан солиштирилганда 927,9 млн АҚШ долларига ёки 6,2 % га ошган. Тошкент шаҳри Ўзбекистоннинг ташқи савдо айланмаси таркибида энг юқори 38,5 % улушни эгаллаган. 3 ойда қарийб 6,1 млрд АҚШ долларига етган.

Маълумот учун, Ўзбекистон ушбу 3 ойда 184 та мамлакат билан савдо алоқаларини амалга оширган.

ТСАнинг нисбатан салмоқли ҳиссаси:

• Хитой — 19 фоиз;
• Россия — 17,7 фоиз;
• Қозоғистон — 5,9 фоиз;
• Туркия — 4,1 фоиз;
• Корея Республикасида — 3,4 фоиз қайд этилган.

Таъкидланишича:

• Экспорт – 6,4 млрд;
• Импорт – 9,4 млрд.

Шунингдек, ушбу уч ойда ташқи савдо айланмасида юқори улушга эга бўлган ҳамкор давлатлар (АҚШ долларида):

• Хитой – 3 млрд;
• Россия – 2,8 млрд;
• Қозоғистон – 937,7 млн;
• Туркия – 656,3 млн;
• Корея – 544,1 млн;
• Франция – 337,1 млн;
• Германия – 268,1 млн;
• Туркманистон – 235,2 млн;
• Афғонистон – 224,8 млн;
• Ҳиндистон – 213 млн.

Ўзбекистоннинг экспорт ҳажми 2024 йилнинг январ-март ойларида қарийб 6,4 млрд АҚШ долларига етган. Бу кўрсаткич ўтган йилнинг мос даври билан солиштирилганда 10 % га кўп.