19:51 | 05.09.22
Қишлоқ хўжалиги вазири ўринбосарига ҳайфсан берилди
Шавкат Мирзиёев бошчилигидаги йиғилишда бу ҳақда маълум қилинди
Қишлоқ хўжалиги вазири ўринбосарига 5 сентябрь куни ҳайфсан берилди. Бу ҳақда ЎзА хабар берди.
Қайд этилишича, қишлоқ хўжалиги вазирининг молиявий ва иқтисодий масалалар бўйича ўринбосари Мирзаев Шуҳрат Шахабутдиновичга ҳайфсан жазоси берилган.
Бу ҳақда Президент Шавкат Мирзиёев раислигида асосий озиқ-овқат маҳсулотлари нархлари барқарорлигини таъминлаш ва захирасини яратиш масалалари юзасидан видеоселектор йиғилишида айтиб ўтилган.
Аввалроқ Хоразм вилоятида 2 та шаҳар ва 5 та туман ҳокимлари ҳайфсан жазосини олганди. Шунингдек, Шавкат Мирзиёев айрим туман ва шаҳар ҳокимларига ҳайфсан берганди.
Мавзуга доир хабарлар билан танишинг:
