Россиянинг Москва шаҳрида 26 ёшли ўзбекистонлик йигит автобусда 55 ёшли чиптачи аёлни калтаклади. Bugun.uz’даги маълумотларга кўра, воқеа 2023 йилнинг 16 октябр куни соат 09:45 да Москва шаҳрининг «Молния стадиони» жамоат транспорти бекатида, М40 автобус йўналишида содир бўлган. 55 ёшли Павлова. С. йўловчиларнинг чипталарини текшираётган пайтида номаълум йигит чап чаккасига бир бор зарба берган. Шундан сўнг, у воқеа жойидан қочиб кетган.

Аниқланишича, гумондор шахс 1997 йилда туғилган ўзбекистонлик Аҳмаджон. М. бўлиб, у воқеанинг эртасига, 17 октябр куни Россияни тарк этиб, Ўзбекистонга учиб келган.

Ҳозирда унга нисбатан жиноят иши қўзғатилган бўлиб, айби тасдиқланса, у беш йилгача қамалиши мумкин.