Россияга 2022 йилнинг иккинчи чорагида охирги 6 йил ичидаги рекорд миқдорда меҳнат мигрантлари келди.

Қайд этилишича, 2022 йилнинг апрел ойидан июн ойигача Россияга ишлаш учун 3,12 миллион хорижлик келган, улар ташриф мақсади сифатида меҳнатни кўрсатган.

Йилнинг иккинчи чорагида Россияга жами 4,16 миллион муҳожир келган. Шу билан бирга, 2021 йилнинг шу даврида Россия чегарасини 2,34 миллион меҳнат муҳожири кесиб ўтган.

«Бунга, биринчи навбатда, рублнинг кутилмаган даражада кучли мустаҳкамланиши таъсир қилди, бунинг натижасида Россия меҳнат бозори чет элликлар учун янада жозибадор бўлди, чунки уларнинг хорижий валютадаги даромадлари ошди», — деди ФинЕхпертиза президенти Элена Трубникова.

Меҳнат муҳожирларининг ярми (1,54 миллион ёки 49,6 фоиз) Ўзбекистон фуқаролари бўлган. Тахминан учдан бир қисми Тожикистонга (52 минг киши ёки 30,5 фоиз) тўғри келган.

Аввалроқ Россияда ўзбекистонлик мигрантларни мажбурий меҳнатга жалб қилган иш берувчи ҳибсга олинганди. Шунингдек, хориждаги ўзбекистонлик меҳнат мигрантлари сони маълум қилинган.