11:04 | 17.12.23
Самарқандда 1,8 млрд сўмлик электр энергиясидан ноқонуний фойдаланган фермер хўжалиги аниқланди
Фермер хўжалиги раҳбарига жиноят иши очилди.
Самарқанд вилоятининг Пастдарғом туманида фаолият юритувчи «Х.И.» фермер хўжалиги раҳбари Э.Т. туманнинг «Хончарбоғ» маҳалласидаги насос станциясининг электр ҳисоблагичи схемасини бузиб, жами 2 миллион кВт/с электр энергиясидан ноқонуний фойдаланган. Натижада, давлат ва жамият манфаатларига 1,8 миллиард сўмлик зарар етказилган.
Ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, ҳозирда тергов ҳаракатлари олиб борилмоқда.
Аввалроқ, Хоразмда фермер хўжалиги раҳбари гаровга қўйилган иссиқхонани бузиб ташлагани ҳақда хабар берилганди.
Мавзуга доир хабарлар билан танишинг:
