Самарқанд вилоятининг Пайариқ туманида эркак турмуш ўртоғи билан жанжаллашиб қолиб, вояга етмаган фарзандлари кўз ўнгида ўта шафқатсизлик билан аёлининг жағ, ияк ва елкасига қўли ва оёқлари билан бир неча маротаба уриб, тепган.

Bugun.uz’да мавжуд маълумотларга кўра, суд-тиббий экспертизасининг хулосасида, аёлнинг танасида, яъни иягида, жағ ва елкасида қонталашлари билан жағ ва иягда ёпиқ синиб силжиши каби тан жароҳати мавжудлиги кўрсатилган.

Аёл турмуш ўртоғи унга доимий зўровонлик қилиб келганлигини, лекин 4 нафар фарзанди борлиги сабабли ҳаммаси яхши бўлиб кетар деб ўйлаб чидаб яшаб келганлигини айтган. Аёлнинг сўзларига кўра, у уйга доим маст ҳолда келади ва жанжал кўтаради.

Бир куни у билан гап талашиб тортишиб қолганлигини, шу вақт турмуш ўртоғи вояга етмаган фарзандларини кўз ўнгида уни жағига бир неча маротаба муштлаб ва ёқасидан ушлаб бошига бир неча маротаба муштлаб урганлигини айтган.

Қайд этилишича, аёл оғриқларга чидай олмай, қўрқувдан қўшнисиникига қочган. У ердан онасига қўнғироқ иқлиб уни олиб кетишларини сўраган. У онаси билан шифохонага борганида жароҳатлар оқибатида икки томон жағи синиб кетганлиги аниқланган. Шифокорлар унга темир аппарат қўйишган.

Шунингдек, эри 5 ёшли қизини бермасдан келаётганлиги, у билан ярашмаслигини, соғлиғини тиклаши учун сарф қилган харажатларини ундириб беришни ҳамда унга нисбатан қонуний чора кўришни сўраган.

Айбланувчига нисбатан Жиноят кодексининг 1261-моддаси 5-қисми «в» банди билан айбли деб топилди ва 3 йил муддатга озодликдан маҳрум қилиш жазоси тайинланган. Жазони манзил колонияларида ўташ белгиланган.