17:40 | 06.02.22
Унда давлат раҳбари Эрдўғонга мустаҳкам соғлик, куч-қувват ва янги зафарлар тилаган
Ўзбекистон Президенти Шавкат Мирзиёев Туркия раҳбари Ражаб Тоййиб Эрдўғонга мактуб йўллади. Бу ҳақда Президент матбуот котиби хабар берди.
Таъкидланишича, давлат раҳбари Туркия президенти ва унинг рафиқасига қисқа фурсатда вирусни муваффақиятли енгиб ўтиб, тезда шифо топишида ишонч билдирди, уларга мустаҳкам соғлик, куч-қувват ва янги зафарлар тилади.
«Сиз, қадрдон инимнинг ва рафиқангиз Эмине Хоним Олияларининг коронавирус касаллигига чалинганингиз тўғрисидаги хабарни чуқур безовталик ва катта хавотир билан қабул қилдим», — дейилади мактубда.
Аввалроқ Шавкат Мирзиёев АҚШ президентига мактуб йўллаганди. Шунингдек, давлат раҳбари UNESCO бош директори Одри Азулега мактуб йўллаб, уни лавозимига қайта сайлангани билан табриклаганди.
Мавзуга доир хабарлар билан танишинг: