Тошкентда «мигалка» ўрнатиб олиб, қарама-қарши йўналишда ҳаракатланган Lacetti ҳайдовчисига чора кўрилди. Бу ҳақда пойтахт ИИББ Йўл ҳаракати хавфсизлиги бошқармаси хабар берди.

Маълумотларга кўра, 27 март куни Lacetti  ҳайдовчиси автомашина салонига рухсатномасиз милтилловчи («мигалка») чироқ ўрнатиб, ўзи ва ўзгаларнинг ҳаётини хавф остига қўйиб, қарама-қарши ҳаракатлангани акс этган видео ижтимоий тармоқларда тарқалган.

Мазкур видео ўрганилиб, ушбу автомашина ҳайдовчиси Раҳимжон исмли шахсга нисбатан Маъмурий жавобгарлик тўғрисидаги кодекснинг 128-5-(транспорт воситаларидан фойдаланиш қоидаларини бузиш) ҳамда 135-моддалари (йўл ҳаракати қоидаларида назарда тутилган ҳужжатлари бўлмаган шахсларнинг транспорт воситаларини бошқариши) билан маъмурий баённома расмийлаштирилган.