8:55 | 11.12.24
Талабалар учун поезд чипталарига 50% чегирма эълон қилинди
«Ўзбекистон темир йўллари» қишки таътил даврида талабаларга маҳаллий йўналишларда йўловчи поездлари чипталарига 50 фоиз чегирма берилишини маълум қилди.
Чегирма 2024 йил 23 декабрдан 2025 йил 10 январга қадар амал қилади. У барча маҳаллий йўналишдаги йўловчи поездларига татбиқ этилади (CV/VIP класс вагонлари ва «Афросиёб» электропоездларидан ташқари).
Қандай фойдаланиш мумкин?
- Талабалар паспорт билан темирйўл кассаларига мурожаат қилишлари ёки eticket.railway.uz сайти орқали чипталарни электрон тарзда сотиб олишлари мумкин.
Эслатиб ўтамиз, чегирма олий таълим муассасалари талабалари учун мўлжалланган.
Аввалроқ, Uzbekistan Airways талабалар учун 23 декабрдан 7 январгача барча маҳаллий авиақатновлар учун 50% гача қишки чегирма эълон қилгани ҳақида хабар берилганди.
