Халқ депутатлари Учтепа тумани Кенгашига ЎзЛиДеПдан сайланган депутат, шу кенгашнинг суд-ҳуқуқ ва коррупцияга қарши курашиш масалалари бўйича комиссияси аъзоси, Нуриддин Зайнитдинов 13 апрель куни ҳуқуқни муҳофаза қилиш органлари ходимлари томонидан қўлга олинган.

Бу ҳақда Экология, атроф-муҳитни муҳофаза қилиш ва иқлим ўзгариши вазири маслаҳатчиси Расул Кушербаев маълум қилди.

Ўзбекистон Аэронавтика Федерацияси раиси ўринбосари бўлиб фаолият юритган Нуриддин Зайнитдинов ўзининг кескин фикрлари билан танилган.

Жамоатчилик фаоли сифатида ҳам яхши таниш бўлган Нуриддин Зайнитдинов Аэронавтика Федерацияси раиси ўринбосари бўлиб ишлаган.

Нуриддин Зайнитдинов нима сабабдан қўлга олингани ва ушлаб турилгани ҳақида расмий хабар берилмаган.

Аввалроқ,  ўзининг саҳифалари орқали  «Сиёсий буюртма» билан унга қарши провокациялар уюштирилаётгани ва босим ўтказилаётгани ҳақида постлар ёзган эди.

Расул Кушербаев Нуриддин Зайнитдинов қўлга олингани ҳақидаги хабарни каналидан ўчириб ташлади.