Тошкентдаги мактабда ўқитувчи бошланғич синф ўқувчиларига игна ва «саморез» санчиб жазолаган педагог ишдан олинди. Болалар омбудсмани вазиятни назоратга олган.

Маъулм қилинишича, ҳолат Тошкент шаҳри Сергели туманидаги 277-мактабнинг 1-«э» синф ўқувчилари билан содир бўлган. 16 апрел куни болаларнинг 15 нафар ота-онаси мактаб директорининг олдига келиб, 1-«э» синф раҳбари устидан шикоят қилган.

Унга кўра, ўқитувчи ўқувчилар қўлининг кафт қисми устига «саморез» ва игналар билан санчиб, турли жароҳатлар етказган, «гўёки шундай усулда болаларни тарбиялашга уринганини» билдиришган.

1-«э» синф раҳбари С.Р. болаларга нисбатан шундай номақбул ҳаракатларни содир қилганлиги юзасидан ўқитувчи билан тузилган меҳнат шартномаси бекор қилиниб, у ишдан бўшатилган.

Ҳозирда ҳолат юзасидан Сергели тумани ИИБ томонидан терговга қадар текширув олиб борилмоқда. Вазиятни Болалар омбудсмани назоратга олган. Бу бўйича қўшимча маълумот берилиши маълум қилинди.