ҲАМАС ҳаракати анча олдин араб ва ислом давлатларини Исроил элчиларини чиқариб юборишга ва бу давлат билан муносабатларни нормаллаштиришнинг барча шаклларини тўхтатишга чақирганди.

Бундан ташқари, ҲАМАС Араб давлатлари лигасига аъзо барча давлатлар ва Ислом ҳамкорлик ташкилотига аъзо давлатлар томонидан Исроилга нисбатан бойкотни кучайтиришни айтганди.

Шундан сўнг, Туркия Исроил билан энергия бўйича барча шартномаларини тўхтатган. Туркиянинг энергетика ва табиий ресурслар вазири Алпарслон Байрактарнинг Тел-Авивга ташрифи эса бекор қилинган.

Эслатиб ўтамиз, аввалроқ Эрдўғон ҲАМАСни «террорчи ташкилот эмас, ўз ерини ҳимоя қилаётган мужоҳидлар гуруҳи» деб атаб, Исроилга ташрифини ҳам бекор қилганди.