Словакиянинг Volkswagen ва Volvo автомобиль ишлаб чиқарувчилари Ўзбекистон фуқароларини ишга таклиф қилмоқда. Бу ҳақда Камбағалликни қисқартириш ва бандлик вазирлиги хабар берди.

Маълум қилинишича, Volkswagen компанияси премиум автомобилларни ишлаб чиқариш, кабел агрегатлари, шасси ва интерьерни йиғиш, монтаж ишлари, диагностика ва автомобилларни синовдан ўтказиш йўналишида ишга таклиф қилади. Компания 18 ёшдан 45 ёшгача бўлган 240 нафар мутахассисни ишга олади.

Иш уч сменадан иборат. Номзодлардан рус тилини коммуникатив даражада билиш талаб этилади. Иш ҳақи ойига 1200−1600 евро орасида.

Volvo эса 18−45 ёшдаги 150 нафаргача юк машинаси ҳайдовчиларини ишга олади. Рус тилини билишдан ташқари, C ва E тоифали ҳайдовчилик гувоҳномаси талаб қилинади, маош ойига 1700−2400 евро.

«Рўйхатдан ўтиш ҳақида ижтимоий тармоқларимиз орқали тез кунда хабар берамиз», дейилади хабарда.