21:06 | 18.06.21
Хитойда 29 соатдан кам вақт ичида 10 қаватли бино қурилди — видео
Қурилиш жараёнида бор-йўғи 3 та крандан фойдаланилган
Хитойнинг Чанша шаҳрида (Хунань провинцияси) 28 соату 45 дақиқа ичида 10 қаватли бино қурилди. Бу ҳақда «Free News» хабар берди.
Маълум қилинишича, 10 қавали бино «Broad Group» компанияси томонидан қурилган, иш жараёни акс этган видео эса компаниянинг YouTube’даги саҳифасида эълон қилинган. Бинони бундай қисқа вақт ичида қуриш учун ишчиларининг кичик гуруҳи ҳамда камида учта кран жалб қилинган.
Компания вакилларининг сўзларига кўра, иншоот мустаҳкам, зилзилага чидамли қилиб кўтарилган. Вентиляцияси эса зангламайдиган пўлатдан ясалган.
Аввалроқ Хитойда Буюк Хитой деворининг фанга номаълум бўлган яна бир қалъаси топилгани хабар берилган. Шунингдек, мамлакат талабалари коллеж директорини гаровга олгани маълум қилинганди.
Мавзуга доир хабарлар билан танишинг:
