15:44 | 08.11.23
Ўзбекистоннинг Полшадаги янги элчиси тайинланди
Амирсаид Аъзамхўжаев 2019 йилдан фавқулодда ва мухтор элчи вазифасида ишлаган Баҳром Бобоев ўрнини эгаллаган.
Ўзбекистоннинг янги тайинланган фавқулодда ва мухтор элчиси Амирсаид Аъзамхўжаев кеча Полша пойтахтига етиб борди. Бу ҳақда Dunyo ахборот агентлиги хабар берди.
У шу пайтга қадар ТИВнинг Консуллик-ҳуқуқий департаментида, Ўзбекистоннинг Истанбул шаҳридаги Бош консуллиги консули бўлиб ишлаган, 2020 йилдан бери эса Бош консулликка раҳбарлик қилган. 38 ёшли дипломат Тошкент давлат жаҳон тиллари университетини тамомлаган.
Амирсаид Аъзамхўжаев 2015 йилдан бошлаб Ўзбекистоннинг Полшадаги Муваққат ишлар вакили ва 2019 йилдан фавқулодда ва мухтор элчи вазифасида ишлаган Бахром Бобоев ўрнига тайинланган.
Мавзуга доир хабарлар билан танишинг:
