Россия президенти Владимир Путин Германия канцлери Олаф Шольц билан телефон орқали мулоқот қилди. Қайд этилишича, суҳбат бир ярим соат давом этган. Томонлар Украинадаги вазиятни, хусусан, Запрожье АЭСининг хавфсизлигига оид масалани муҳокама қилган. Бу ҳақда Германия ҳукумати матбуот хизмати хабар берди.

Германия ҳукуматининг маълум қилишича, Шольц Путинни қўшинларини Украина ҳудудларидан тўлиқ олиб чиқиб кетишга ва вазиятга дипломатик ечик ишлашга, шунингдек, Қизил Ҳоч вакилларига украиналик асирларни таъминлаш учун имконият яратиб беришга чақирган. Ўз навбатида Кремль Путин «федерал канцлернинг эътиборини Украина томонидан халқаро гуманитар ҳуқуқ қўпол равишда бузилаётганига қаратган» ва Россия ўғитлари экспортига нисбатан қўйилаётган тўсиқлар бартараф этилиши бўйича дон битимга риоя қилиниши кераклигини эслатиб ўтган.

Кремль сайтининг расмий маълумотга кўра, Путин ва Шольц 28 майдан буён телефон орқали гаплашмаган. Шу билан бирга, урушнинг дастлабки уч ойида тўққиз марта мулоқот қилган (уларнинг айримларида Франция президенти Эммануэл Макрон ҳам иштирок этган).

Аввалроқ БМТ гуруҳи Запорожье атом электр станциясини ҳимоя қилиш учун Украинага жўнаб кетгани, Пентагон Украина Қуролли кучлари самарадорлигини баҳолагани тўғрисида хабар берилганди.