Ўзбекистонда 2023 йилда уй-жойини талабаларга ижарага бергани учун жисмоний шахслар даромад солиғидан 44 миллиард сўмдан ортиқ имтиёзга эга бўлди.

Кўчмас мулк ижара шартномаларини ҳисобга қўйиш «E-ijara» хизмати орқали амалга оширилади. Солиқ қўмитаси маълумотлар базасидан олинган ахборотларга кўра, 2023 йилда:

• юридик шахслар ўртасида 145 мингга яқин ижара шартномаси тузилган. Ижара тўловларининг умумий миқдори 5,3 трлн сўмни ташкил этган. Ҳисобланган солиқлар эса 561,6 млрд сўм.
• жисмоний шахслар ўртасида 386,8 мингта ижара шартномаси тузилган. Ижара тўловларининг умумий миқдори 3,3 трлн сўмни ташкил этди. Ҳисобланган солиқлар 194,8 млрд сўм.

Солиқ тўловчининг уй-жойларни талабаларга ижарага беришдан олган даромадлари солиқдан озод этилган. Уларга даромад солиғидан 44,4 млрд сўм имтиёз қўлланилган.

Солиқ органларида рўйхатга олинган мол-мулк ижара шартномалари ва улар бўйича солиқларни тўлаш мулкдорга уй-жойни расман ижарага бериш ва даромад олиш, ижарага олувчига эса ундан қонуний фойдаланиш имконини беради.