10:22 | 11.07.23
«Ғишткўприк» божхона пости олдида фуқаро бир кишига пичоқ билан жароҳат етказди — видео
Таҳдид қилган эркакнинг руҳий ҳолати юзасидан психологик экспертиза тайинланган.
Тошкент тумани ҳудудидаги «Ғишткўприк» божхона пости олдида 7 июл куни йўл ёқасида кетаётган бегона 40 ёшли эркакнинг қорнига пичоқ билан зарба бериб, унга жароҳат етказиб, кейин ИИББ ППХ ходимларига ва атрофдагиларга ҳам пичоқ билан ташланиб, таҳдид қилган эркакнинг руҳий ҳолати юзасидан психологик экспертиза тайинланган. Бу ҳақда вилояти ИИББ хабар бермоқда.
Маълум қилинишича, пичоқ билан ташланган фуқаро Ш.Э. 1965 йилда туғилган бўлиб, Сирдарё вилоятида истиқомат қилади.
ИИВ жароҳатланган фуқаро ходимлар томонидан тезлик билан шифохонага олиб борилганини қайд қилган. Ҳозирда ҳолат юзасидан Жиноят кодексининг 104-моддаси 2-қисми билан жиноят иши қўзғатилиб, тергов ҳаракатлари олиб борилмоқда.
Мавзуга доир хабарлар билан танишинг:
