Таълим муассасасига ўқишга киритиб қўйишни ваъда қилган фирибгарлар ушланди
Абу Али ибн Сино номидаги жамоат саломатлиги техникуми учун 1 300 АҚШ доллари ва Тошкент ахборот технологиялари университетининг Фарғона филиалига эса 700 АҚШ доллари талаб қилинган.
Қашқадарё ва Фарғона вилоятларида ўқишга киритиб қўйиш билан боғлиқ фирибгарлик ҳолатлари фош этилди.
Бош прокуратура ҳузуридаги Департаментнинг Қашқадарё вилоят бошқармаси томонидан ўтказилган тезкор тадбирда фуқаролар Г.Х. ва М.Р. фуқаро Г.Ғ.ни Қарши шаҳридаги Абу Али ибн Сино номидаги жамоат саломатлиги техникумига ўқишга киритиб қўйишлари эвазига 1 300 АҚШ долларини олган вақтларида ашёвий далиллар билан ушланган.
Департаментнинг Фарғона вилояти Қува туман бўлими томонидан ДХХ ходимлари билан ҳамкорликда ўтказилган тезкор тадбирда фуқаро З.Ў. фуқаро М.А.нинг қўшни Қирғизистон Республикаси университетидаги ўқишини Тошкент ахборот технологиялари университетининг Фарғона филиалига кўчириб бериши эвазига 700 АҚШ долларини олган вақтда ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари қўзғатилди.
