Бугун, 3 ноябр куни ижтимоий тармоқларда Тошкент шаҳри Яшнобод туманидаги цехлардан бирида катта ёнғин содир бўлаётгани акс этган видеолар тарқалди. Фавқулодда вазиятлар вазирлиги матбуот хизматининг хабар беришича, соат 10:40 да туманнинг Жарқўрғон 3-берк кўчаси 163-уйдаги ишлаб чиқариш корхонасида ёнғин чиққан.

Ёнғинни ўчириш учун 8 та ёнғин-қутқарув экипажи жалб қилинган. Улар ҳудудга соат 10:45 да етиб бориб, 11:24 да ёнғинни қуршаб олган ҳамда 11:54 да ёнғин батамом ўчирилган. Ёнғин оқибатида фуқароларнинг куйиш тан жароҳати олгани ва ҳалок бўлгани тўғрисида хабар келиб тушмаган.

Воқеа жойига шаҳар ва туман ФВБ раҳбар ходимлари чиққан.