Тошкентда 15 ёшли мактаб ўқувчиси автомашиналарни такроран ўғирлагани учун уч йилга озодликдан маҳрум этилди, деб хабар бермоқда Тошкент шаҳар судлари матбуот хизмати.

Ҳодиса Учтепа туманида содир бўлган. 15 ёшли мактаб ўқувчиси мактабни ташлаб, машина ўғирлай бошлайди. У учинчи автомашинани ўғирлаганидан кейин бахтсиз ҳодисага учраган ва жиноий жавобгарликка тортилган. Бировнинг машинасида бўлган ўсмир устунга бориб урилган. Айбланувчининг отасининг айтишича, воқеа содир бўлган куни ўсмир амакиси билан жанжаллашиб, уйдан чиқиб кетган.

Ўқувчига нисбатан Жиноят кодексининг 267-модданинг 1-қисми, ЖКнинг 85-моддасига кўра уч йил муддатга озодликдан маҳрум этиш жазоси тайинланган. Жазони ахлоқ тузатиш колониясида ўтааши белгиланган.