Ижтимоий тармоқларда Қашқадарё вилоятида сел кўприкни оқизиб кетгани ҳақида видео тарқалди. Чироқчи тумани ҳокимлиги ахборот хизмати воқеа юзасидан муносабат билдирди.

Маълум қилинишича, Чироқчи ва Шаҳрисабз туманларини боғловчи Қашқадарё дарёси ўзани устидан ўтган кўприкнинг асос пойдеворини сел сувлари ювиши оқибатида ушбу ҳолат юзага келган.

Аниқланишича, мазкур кўприк Шаҳрисабз тумани Ободонлаштириш бошқармаси ҳисобидаги ички хўжалик йўлларини боғловчи кўприк ҳисобланади.