«Ўзгидромет» эълон қилган прогнозларга кўра, 30 ноябр куни Тошкент шаҳрида эрталаб бироз ёмғир ёғиши мумкин, туман тушади. Кундузи ёғингарчилик кутилмайди. Ҳарорат кундузи +10…+12 даража илиқ бўлади.

Қорақалпоғистон Республикаси ва Хоразм вилоятида ёғингарчилик кутилмайди. Ҳарорат кундузи +7…+12 даража илиқ бўлади.

Тошкент, Сирдарё, Самарқанд, Жиззах вилоятларида ҳаво ўзгариб туради, фақат Тошкент вилоятининг баъзи жойларида ёмғир ёғиши, туман тушиши мумкин. Ҳарорат кундузи +8…+13 даража илиқ бўлади.

Қашқадарё ва Сурхондарёда ёғингарчилик кутилмайди. Ҳарорат кундузи +12…+17 даража илиқ бўлади.

Бухоро, Навоий, Андижон, Наманган ва Фарғона вилоятларида ҳаво ўзгариб туради. Водийнинг баъзи жойларида ёмғир ёғиши мумкин. Ҳарорат кундузи +10…+15 даража илиқ бўлади.

Республиканинг тоғли ҳудудларида ёғингарчилик бўлиб, қор, ёмғир ёғиши, туман тушиши мумкин. Ҳарорат кундузи +0…+5 даража илиқ бўлади.

Аввалроқ, Ўзбекистонда декабр ойида қандай об-ҳаво кузатилаётгани ҳақда хабар берилганди.