11:28 | 13.11.23
Метрополитен матбуот хизмати расмий изоҳ берди.
Ижтимоий тармоқларда Тошкент метросида поезд ҳаракати тўхтаб қолгани ҳақда видеоёзувлар тарқалди. Тошкент метрополитени ДУК матбуот хизмати ҳолат юзасидан изоҳ берди.
Унга кўра, бугун, 13 ноябр куни соат тахминан 09:15 лар атрофида Ўзбекистон йўналишининг «Алишер Навоий» бекатидан ҳаракатланишни бошлаган 40-сонли ҳаракат таркибида техник носозлик ҳолати кузатилган. Оқибатда, ушбу ҳаракат таркиби туннелнинг кириш қисмида 15 дақиқа вақт давомида тўхтатилган.
Шундан сўнг, йўловчиларга ноқулайлик ҳосил қилмаслик ва йўналишда белгиланган ҳаракат жадвали бузилмаслигини олдини олиш мақсадида, ортидаги 39-сонли ҳаракат таркиби орқали тиркамага олиниб, ҳаракат таркиби текширув йўлагига олиб борилган.
Маълумот учун, ҳозирги вақтда йўналишдаги барча поездлар белгиланган жадвал асосида ҳаракатланмоқда.
Эслатиб ўтамиз, аввалроқ Сергелидаги портлаш метро бекатига зарар етказгани, Bugun.uz бекатга қандай зарар етгани ҳақидаги маълумотларни қўлга киритгани ҳақда хабар берилганди.
Мавзуга доир хабарлар билан танишинг: