Стратегик ислоҳотлар агентлиги томонидан тунги иқтисодиётни ривожлантириш бўйича Буюк Британия, Таиланд, АҚШ, БАА ва Австралия тажрибалари таҳлил қилинди. Шу асосда қуйидаги таклифлар тайёрланди:

• Тунги ишчи гуруҳ ташкил этиш: 2025 йил 1 февралдан тунги иқтисодиёт ва туризмни қўллаб-қувватлаш учун махсус гуруҳ тузилади.
• Дам олиш масканлари учун 24/7 режим: Ҳар жума ва шанба кунлари бар ва ресторанларни узлуксиз ишлашга ўтишини таъминлаш режалаштирилган.
• Жамоат транспортининг 24 соатлик хизмати: Тошкент ва бошқа йирик шаҳарларда жамоат транспорти (автобус, трамвай, метро) 24 соат ишлаш режимига ўтказилади.
• «Тунги Тошкент» платформаси: Тунги иқтисодиёт объектлари, жамоат транспорти йўналишлари ва арзонлаштирилган таклифлар ҳақида маълумот берувчи электрон платформа яратилади.
• Инфратузилмани ривожлантириш: Белгиланган ҳудудларда ёритиш тизимини яхшилаш, аҳоли ва туристлар учун қўшимча қулайликлар яратилади.

Шунингдек, «Тунги иқтисодиётни ривожлантириш чора-тадбирлари тўғрисида»ги президент фармони ва лицензия бериш тартибини ўзгартириш бўйича қонун лойиҳаси ишлаб чиқилади.