Uzbekistan Airways қишки таътил даврида ўрта махсус, касб-ҳунар ва олий таълим муассасалари талабалари учун маҳаллий авиачипталарга 50 фоизгача чегирма эълон қилди. Бу ҳақда компания матбуот хизмати маълум қилди.

Чегирма шартлари:

• Амалиёт даври: 2024 йил 23 декабрдан 2025 йил 7 январгача.
• Амал қилиш тартиби: Эконом-класс авиачипталарига татбиқ этилади.
• Талаб: Чегирмадан фойдаланиш учун давлат муассасасида ўқишни тасдиқловчи ҳужжат тақдим этилиши зарур.

Қўшимча қулайликлар:

Вазирлар Маҳкамасининг қарорига кўра, қишки таътил кунлари транспорт воситалари қатнови вақтинча кўпайтирилади. Талаба ва ўқувчиларнинг яшаш ҳудудларига бориб-қайтиши учун Транспорт вазирлиги ҳокимликлар билан биргаликда қулайликлар яратиш чораларини кўради.

Қишки таътил даври: 2024 йил 25 декабрдан 2025 йил 7 январига қадар.