Исроил ва ҲАМАС АҚШ воситачилигида Ғазо секторида сулҳ бўйича «дастлабки» келишувга эришган.

Ҳарбий ҳаракатларни беш кунга тўхтатиш эвазига 50 дан ортиқ исроилликлар озод қилиниши кўзда тутилган.

Томонлар гаровга олинганларни озод қилиш яқин кунларда бошланишини англатувчи олти саҳифали ҳужжатни тузган. Гаровга олинганларнинг биринчи «эллик ёки ундан кўпроғи» 24 соатда алоҳида кичик гуруҳларга ажратилиб қўйиб юборилади.

Шунингдек, мазкур танаффус Мисрдан Ғазо секторига етказиб бериладиган гуманитар ёрдам, жумладан, ёқилғи миқдорини сезиларли даражада кўпайтиришга имкон беради.

Исроилнинг Вашингтондаги элчихонаси вакили мамлакат ҳукумати «гаровга олинганлар билан боғлиқ вазиятни бирор жиҳатини» очиқлашни истамаслигини билдирган.

Фаластин ҲАМАС ҳаракати жангчилари 7 октябр куни Исроилга ҳужум қилиб, 120 дан ортиқ одамни ўлдирган ва 240 га яқин кишини гаровга олган. Исроил мудофаа армияси ҳужумга жавобан Ғазо секторига ҳаво ҳужумларини, сўнг қуруқликдаги операцияни бошлади.

Фаластин томонидан келтирилган маълумотларга кўра, Ғазо секторида 7 октябрдан бери 11 мингдан ортиқ одам ҳалок бўлган.

Аввалроқ, Нетаняху Ғазода ўт очишни тўхтатиш шартларини айтиб, Исроил бош вазири шунингдек, «гуманитар паузалар» давом этишини ҳам истисно қилмагани хабар қилинганди.