Қашқадарё аҳолисининг ичимлик суви билан таъминланганлик даражаси 59.4 фоиз билан республикада энг паст кўрсаткични қайд этмоқда. Бу ҳақда «Ўзсувтаъминот» ахборот хизмати хабар берди.

Қайд этилишича, ҳудудда ичимлик суви таъминоти қамровини кенгайтиришга қаратилган ислоҳотлар бир дақиқага ҳам тўхтамаган.

Вилоятнинг тоғли-рекреацион ҳудудларида замонавий хизмат кўрсатиш ҳамда туризм объектларидаги ичимлик суви ва оқова тизимларининг лойиҳаолди жараёнлари кўздан кечирилди. «Ўзсувтаъминот» АЖ бошқаруви раиси ўринбосари в.б. томонидан масъулларга хизмат сифатини яхшилашга қаратилган тегишли таклиф ва топшириқлар берилди.