Хориж манбаларининг хабар беришича, Исроил мудофаа вазири Ёав Галант ўз баёнотида ҲАМАС Ғазо сектори устидан назоратни йўқотгани ва жанубга чекинаётганини айтган.

«ҲАМАСнинг Исроил қўшинларини тўхтата оладиган кучлари йўқ. У Ғазо устидан назоратни йўқотиб, жанубга қараб чекиняпти. Тинч аҳоли эса ҲАМАС базаларини талон-тарож қилмоқда» деган мудофаа вазири.

Вазир шунингдек, Исроил қўшинлари қўйилган режалар бўйича олдинга ҳаракат қилаётгани ва ўз мақсадларига эришишини таъкидлаган.

«Биз қўшинларимиз билан қонуний тарзда жангларни олиб бормоқдамиз. Албатта режаларни амалга оширамиз» дея қўшимча қилган Галант.

Галантга кўра, Исроил мудофа вазирлиги аскарлари ҳеч қандай чекинишни ҳақида ўйлаётгани йўқ.

Эслатиб ўтамиз, аввалроқ Исроил бош вазири Нетаняху Ғазода ўт очишни тўхтатиш шартларини айтиб, «гуманитар паузалар» давом этишини ҳам истисно қилмаганди. Шунингдек, Исроил ва АҚШни зудлик билан суд қилиш учун Эрон президенти Иброҳим Раисий халқаро судни огоҳликка чақирганди.