13:51 | 24.03.24
Андижонда 30 дан ортиқ қоидабузарлик қилган ҳайдовчи жарима майдончаси деворидан ошиб қочди
Андижонда 30 дан ортиқ қоидабузарлик қилган ҳайдовчи жарима майдончаси деворидан ошиб қочди. Ҳозирда 24 ёшли йигитга нисбатан тегишли тартибда чоралар кўрилмоқда.
Андижонда қоидабузар ҳайдовчи жарима майдончасидан девор ошиб қочиб кетди. Бу ҳақда ИИВ Жамоат хавфсизлиги департаменти Йўл ҳаракати хавфсизлиги хизмати хабар берди.
Маълум қилинишича, 24 ёшли йигит темирйўл кесишмасидан ўтиш қоидаларини бузгани ЙПХ ходимининг эътиборини тортган. Ҳайдовчига инспектор томонидан тўхташ ишораси берилган, бироқ у қонуний талабга бўйсунмаган.
Шундан сўнг у кичик даҳа ҳудудида тўхтатилган. Автомашина ҳозирда жарима майдонида. Ушбу машинада 30 дан ортиқ қоидабузарлик, 100 миллион сўмдан ортиқ муддати ўтган қарздорлик мавжудлиги аниқланган. Ҳолат юзасидан инспектор чора кўраётганда, ҳайдовчи жарима майдонидан девор ошиб қочиб кетган.
Ҳозирда тегишли тартибда чоралар кўрилмоқда.
Мавзуга доир хабарлар билан танишинг:
