Андижонда ишлаб чиқариш цехини электр тармоғига улаб беришни ваъда қилган ЭТК муҳандислари ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти ахборот хизмати хабар берди.

Маълумотларга кўра, ўтказилган тезкор тадбирда Асака тумани ЭТК муҳандиси Ф.Я. фуқаро Ф.Т.нинг янги ташкил этган ёғоч маҳсулотларига қайта ишлов бериш цехини 105 миллион сўм эвазига юқори лавозимда ишловчи танишлари ёрдамида электр тармоғига улаб беришини ваъда қилиб, ушбу пуллар ҳисобидан 85 миллион сўмни олган вақтида ушланган.

Шунингдек, унинг кўрсатувига асосан давом этган тадбирда Андижон вилояти ЭТК муҳандиси Ж.Ю. Асака тумани ЭТК муҳандиси Ф.Я.дан 85 миллион сўмни олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.