Тошкент шаҳри Бектемир тумани ҳокими Тапил Маҳамадзияев вазифасидан озод қилинди. Бу ҳақда 2024 йил 6 феврал куни Тошкент шаҳар ҳокимининг тегишли қарори қабул қилинди.

«Ўзбекистон республикаси Маҳаллий давлат ҳокимияти тўғрисидаги қарорнинг 2-моддасига мувофиқ,

Қарор қиламан:

1. Махамадзияев Тапил Равшанович Тошкент шаҳар Бектемир тумани ҳокими лавозимидан озод этилсин.
2. Ушбу қарор халқ депутатлари Бектемир тумани Кенгашининг сессиясига тасдиқ учун киритилсин», — дейилади ҳоким қарорида.

Туман ҳокими вазифасини вақтинча бажариш туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Фатҳулла Нигмановга юклатилган.

Маълумот учун, Тапил Маҳамадзияев 2021 йил июл ойида Бектемир тумани ҳокими лавозимига тайинланганди.