Табиат ресурслари вазирлиги томонидан ўрнатилган кузатув камералари ноқонуний чиқинди ташлаш билан боғлиқ навбатдаги ҳуқуқбузарликни тасвирга олди.

Маълум бўлишича, Тошкент вилояти, Янгийўл шаҳри, Янгибоғ МФЙ ҳудудида фуқаро Ф.С. давлат рақами «10 C 335 BА» бўлган Damas русумли автотранспорт воситасида белгиланмаган жойга чиқинди ташлаган.

Ҳолат юзасидан ҳуқуқбузарга нисбатан МЖтКнинг 91- 1-моддаси 3-қисми билан маъмурий баённома расмийлаштирилди. Ҳуқуқбузар ўзи ташлаган чиқинди жойини тозалади ва 1 650 000 сўм миқдорида жаримага тортилди.

Эслатиб ўтамиз, Ўзбекистонда 2023 йил 1 июлдан «Чиқиндиларни оммавий йиғиш» умуммиллий ҳаракати ташкил этилиши, бу борада Президент фармони эълон қилингани хабар берилган.