Россия Давлат Думаси вице-президенти Пётр Толстой 14 ноябр куни рус тили давлат мақомига эга бўлмаган мамлакатлардан келган муҳожирларни Россияда хизмат кўрсатиш соҳада ишлашини таъқиқлашни таклиф қилганди.

Унинг бу таклифига Миллий тикланиш ташкилоти раҳбари Алишер Қодиров ва «Юксалиш» раиси Бобур Бекмуродов жавоб қайтарди.

«Юксалиш» ҳаракати раиси, Олий Мажлис Қонунчилик палатаси депутати Бобур Бекмуродов россиялик сиёсатчининг баёнотларига жавоб берган ва Ўзбекистон Толстойнинг боғи эмаслигини айтган.

«Фуқаролари ва давлати муаммолари билан шуғуллансин. Ўзбекистонда рус тили эркин мулоқот тили ҳисобланади. Биз иттифоқчи давлат мақомига мос келамиз. Аммо Толстой ундай эмас», – деган Бобур Бекмуродов.

Миллий тикланиш партияси раҳбари Алишер Қодиров ҳам россиялик депутатнинг таклифига муносабат билдирган.

«Спикер ўринбосари Толстойга жавобан ўзбек тилини билмайдиган ходимларни ишдан бўшатишни таклиф қилишимиз керак. Бошқа йўлдан борамиз – уларга ўзбек тилини ўргатамиз ва сиз ўзингиз ишлашни ўрганасиз. Бу рус тилига ҳақиқий ҳурматга олиб келиши мумкин»,- деди депутат.