БМТ Ғазода ўт очишни тўхтатиш бўйича резолюция лойиҳасини қабул қилди
АҚШ ва Исроил бунга қарши чиқди.
Бирлашган миллатлар ташкилоти Хавфсизлик кенгаши зудлик билан гуманитар сулҳ ва сулҳ тузишга чақирувчи резолюция лойиҳасини қабул қилган. Бу ҳақда БМТ расмий саҳифасида маълумот берган.
Лойиҳани 120 давлат, жумладан Россия ва Ўзбекистон ҳам қўллаб-қувватлаган бўлса, 14 та давлат, шундан АҚШ, Исроил, Австрия, Чехия, Хорватия ва Венгрия бунга қарши чиққан.
Шунингдек, 45 та мамлакат бетараф қолган ва 14 та давлат овоз беришда қатнашмаган.
Исроил ташқи ишлар вазири Эли Коэн резолюцияни «шармандали чақириқ» деб атаган ва ҲАМАС йўқ қилинишини ваъда берган.
Эслатиб ўтамиз, аввалроқ, Исроил мудофаа кучлари Ғазо секторида ўзининг кенгайтирилган тартибдаги ҳарбий ҳаракатларни бошлагани хабар қилинганди.
Ўзбекистоннинг Исроилдаги элчихонаси ушбу давлатдаги ўзбекистонликлардан элчихонага вақтинчалик келмай туришни ва ўзларини эҳтиёт қилишларини сўраганди.
