Тошкент халқаро аэропортида 1,8 миллиард сўмлик олмосларни олиб киришга уринган шахслар тўхатиб қолинди. Божхона қўмитасининг хабар беришича, яқинда Деҳлидан учиб келган йўловчининг палто чўнтагидан 281 карат ҳажмдаги олмос қимматбаҳо тошлари топилган.

Келтирилишича, йўловчининг божхона назоратига тақдим этмаган олмосларнинг умумий қиймати дастлабки ҳисоб-китобларга кўра 873 миллион сўмдан ошмоқда.

Ҳиндистондан учиб келган яна бир йўловчининг багажини кўздан кечириш давомида ушбу хорижий фуқаро ҳам 57 дона турли ўлчамдаги олмос тошларини яширинча олиб киришга урингани фош бўлган. Қимматбаҳо тошларнинг қиймати дастлабки ҳисоб-китобларга кўра 942 миллион сўмдан ошмоқда.

Маълумот учун, Ўзбекистонда 2023 йилда аниқланган 394 та божхона қонунбузилиши ҳолатларида 32,4 миллиард сўмлик 163 килограмм заргарлик буюмлари, шу жумладан, қимматбаҳо тошларнинг божхона чегаралари орқали ноқонуний олиб ўтилишининг олди олинган.