Бухоро вилояти божхона бошқармаси берган маълумотларга кўра, вилоятда умумий қиймати 353 миллион сўм бўлган ноқонуний товарлар айланмасига чек қўйилган.

Унга кўра, Ғиждувон тумани «Саримжон» йўл патрул хизмати ҳудудида олиб борилган тезкор тадбирда Isuzu русумли автотранспорт воситаси кўздан кечирилганда, ноқонуний товарлар борлиги аниқланган.

Текширув вақтида автотранспортда божхона расмийлаштирувидан ўтказилганлигини тасдиқловчи ҳужжатлари бўлмаган 142 минг 800 дона пиротехника воситалари, икки минг қути тамаки маҳсулотлари ҳамда 96 турдаги сифати кафолатланмаган дори воситалари борлиги ўз тасдиғини топган.

Маълумот учун, ҳозирда ноқонуний товарлар юзасидан умумий қарор қабул қилингунга қадар божхона органлари томонидан вақтинча сақлов чоралари кўрилган. Шунингдек, ҳолат юзасидан терговга қадар суриштирув ишлари олиб борилмоқда.

Эслатиб ўтамиз, аввалроқ Ўзбекистонда тўққиз ой давомида қанча алкогол ва тамаки маҳсулотларининг ноқонуний савдосига чек қўйилгани очиқланганди.