Бухоро аэропортида чегара божхона пости ҳамда Авиация хавфсизлик хизмати ходимларининг ўзаро ҳамкорлигида зарб этилганига 50 йилдан ошган тангаларнинг Ўзбекистон ҳудудидан олиб чиқилишига чек қўйилди.

Бухоро–Махачқалъа йўналишидаги авиарейс орқали хорижга учиб кетиш арафасидаги фуқаро тарихий аҳамиятга эга бўлган жами 8 дона нумизматика ашёларини олиб чиқиб кетаётгани аниқланди.

Фуқарога тегишли қонунчилик талаблари тушунтирилиши баробарида ҳолатга қонуний тартибда чек қўйилди. Қадимий тангалар ҳозирги вақтда Бухоро вилояти маданий мерос бошқармасига бадиий экспертизадан ўтказиш мақсадида тақдим этилган.