Буюк Британия Украинага олтита учувчисиз учиш аппаратлари беради. Тегишли хабар ҳукумат сайтида эълон қилинди.

Маълум қилинишича, қурилмалар Украинадан дон экспортини таъминлаш учун Қора денгиздаги портларга олиб борувчи йўлларни миналардан тозалайди. Сувости дронлардан учтаси Британия Қуролли Кучлари захираларидан олинади, қолганлари эса Лондон томонидан мудофаа компанияларидан сотиб олинади.

Қурилмалар 100 метргача чуқурликда ишлашга қодир, улар датчиклар ёрдамида миналарни топишга ёрдам беради. Бундан ташқари, Британия АҚШ флоти билан биргаликда уч ҳафталик курс доирасида Украина ҳарбий-денгиз кучлари ходимларини ушбу қуроллар билан ишлашга ўқитади. Украина ҳарбий хизматчиларининг биринчи гуруҳи аллақачон машғулотларга киришган.

«Ушбу муҳим ускуна ва машғулот Украинага ўз сувларини ҳимоя қилишга ёрдам беради, бошқа мамлакатларга дон экспортини осонлаштиради, шунингдек, украин ҳарбийларининг қирғоқлар ва унинг портларини ҳимоя қилишинни қўллаб-қувватлайди», — деган Британия мудофаа вазири Бен Уоллес.

Аввалроқ Британия ҳарбийлари Россияга қарши урушга тайёрланаётгани маълум қилинганди. Британия ҳаво кучларини Россия билан урушга тайёрланишга чақирганди.