Дунёга машҳур илк географ олим Страбоннинг она шаҳри, 8 500 йиллик тарихга қарамай дастлабки кўринишини сақлаб қолган, хеттлардан Туркия Республикасигача бўлган кўплаб тараққиёт босқичларига гувоҳ бўлган, Яшилирмоқ ва унинг бетакрор даралари билан танишиш учун Амасияга ташриф буюринг!

Чуқур илдизга эга маданияти ва табиати билан ажралиб турадиган шаҳар, ЮНEСКОнинг Жаҳон мероси рўйхатига киритилган Ҳаршена тоғи ва Понтус қирол қоя мақбаралари, Амасия қалъаси, музейлар, Султон Боязид иккинчи мажмуаси, Қизлар саройи, Яшилирмоқнинг икки томонидаги Ялибою уйлари ва мозий иси уфуриб турган анъанавий кўчалари 8 500 йиллик тарих қадриятларини ўзида мужассам этади.

Амасия музейи

Амасия музейида сўнгги Неолит ва илк Энеолит даври, Бронза, Хетт, Урарту, Фригия, Скиф-Киммер, Форс, Понт, Рим, Византия, Салжуқий ва Усмонли даврларига оид кўплаб цивилизация ёдгорликларини учратиш мумкин.

Амасия Ҳаршена қалъаси

Ҳаршена қалъаси, шаҳар марказидаги Ҳаршена тоғида жойлашган бўлиб, учта асосий қисмдан иборат: Юқори қалъа (Акропол), Қизлар саройи (Некропол) ва Қуйи қалъа (Ички шаҳар).

Ҳаршена тоғи ва Понтус қирол қоя мақбаралари

Ҳаршена тоғи ва Понтус қирол қоя мақбаралари 2015 йилда ЮНEСКОнинг Жаҳон маданий мероси рўйхатига киритилган. Қоя мозорлари Онадўлунинг энг монументал ёдгорликлари бўлиб, дунёдаги қоя мозорлари анъанасининг ёрқин намуналаридан биридир.

Ялибою уйлари

Яшилирмоқ дарёси бўйида тизилган анъанавий Усмонли сарой ва уйлари Амасия меъморчилигида муҳим ўрин эгаллаган ва қадимий Амасия уйларидан сақланиб қолганлари асосан ХIХ асрга оид намуналардир.