11:37 | 01.11.23
Эммануэл Макрон Қозоғистонга келди
Франция президентини Қозоғистон бош вазири кутиб олган.
Аввалроқ Франция президенти Эммануэл Макрон расмий ташриф билан Қозоғистонга бориши ҳақида хабар берилганди. Макрон бугун, 1 ноябр куни Қозоғистонга етиб борган. Мамлакат бош вазирининг матбуот хизмати хабар беришича, Франция раҳбари икки давлат ўртасидаги стратегик шерикликни янада ривожлантиришга янги суръат бағишлаш мақсадида Қозоғистонга келган.
Олий мартабали меҳмонни Қозоғистон бош вазири Алихон Смаилов кутиб олган. Шундан сўнг, Оқўрда қароргоҳида Эммануэл Макронни тантанали расмий кутиб олиш маросими бўлиб ўтган. Фахрий қоровул саф тортиб, икки давлат мадҳиялари янграган.
Эслатиб ўтамиз, аввалроқ Эммануэл Макрон бугун, 1 ноябрь куни Ўзбекистонга келиши ва Президент Шавкат Мирзиёев билан учрашиши ҳақида хабар берилганди.
